Treng du eit kurs?

Formidlingskurs for bibliotekarar, forfattarar,
​museumstilsette og andre litteraturformidlarar.

Teaterfrø hjelper deg å kome i gang med ditt eige formidlingsprosjekt.
Korleis kan du løfte eiga formidling innanfor ei ramme som du
kjenner deg komfortabel med? 
​Kva er målet? Kva er utfordringa?
Korleis bli tydelegare i formidling av bodskap verbalt og fysisk?
​Kva er det viktigaste som skal til for at formidlinga blir bra? 

Kurs for barnehagetilsette og lærarar

​Teaterfrø skreddarsyr  kurs til planleggingsdagen eller personalmøtet.
​Skal de arbeide med eit spesielt tema?
​Vil de finne nye metodar for læring? 

Produsent-, regissør- og skodespelar-kurs

Skal du gjennomføre eit kulturprosjekt?
Treng du: 
-instruktørhjelp?
-konsulenthjelp i ein produksjon?
-hjelp til programmering og planlegging av eit arrangement?
-hjelp til manus- tekstutvikling?
​-kurs i munnleg fortelling?
-kurs i frå idé til framsyning?
-skodespelar eller opplesar?

Leike- og latterkurs

Kurs for eit meir kreativt og positivt arbeidsmiljø.
Om humor og begeistring på din arbeidsplass.
​Latter i organisasjonen kan auke framgang, 
innovasjon og kreativitet! 

Ei mor kom til Einstein og spurde kva ho skulle gjere for at sonen
​kunne bli ein framgangsrik vitskapsmann.
-Eventyr, sa Einstein.
-Og så?
-Meir eventyr!  
Og etter det?
​Endå meir eventyr, sa Einstein.

Tidlegare kurs

             Formidlingskurs -

• ​Kurs i formidling for skulebibliotekarar og lærarar på Askøy, i samband med prosjektet "Heile verda i ei bok" 2021 og 2022.

• Formidlingskurs for tilsette på Askøy Folkebibliotek vår 2021.
• Formidlingskurs for bibliotekarar i Innlandet (Lillehammer og Elverum) sept-okt 2020.
• Formidlingskurs i samarbeid med Norsk Forfattersentrum haust 2019-vår 2020. I Bergen, Oslo og Trondheim.
• Formidlingskurs for Biblioteka i Vest og for Nordhordlands-biblioteka vår 2019.​
• Formidlingskurs for bibliotekarar i seks ulike regionar av Hordaland i forkant av Bokgildet som vart arrangert av Hordaland Fylkesbibliotek i januar 2019.
• Bokformidlingskurs for bibliotekarar i Nordhordland og Osterøy haust 2016 og i Hemsedal vår 2017.
• Kurs/foredrag for Leseombod i regi av Hordaland Fylkesbibliotek 2017.
• ​Kurs for bibliotektilsette på Karmøy og i Sunnhordland vår 2018
• Litteraturformidlings-kurs i Knarvik haust 2018
• Dans vêret - utvikla formidlingsopplegg frå fagboka "Når det regnar i Afrika" for 1-4. trinn, saman med forfattar Erna Osland, korograf/dansar Ine Terese Hogstad og komponist/musikar Hanne Vatnøy. DKS i Sogn og Fjordane frå  hausten 2016. 
• Utvikla nytt formidlingsopplegg til faktaboka He-he! i 2016-17. Kurs for nye latterformidlarar vår 2017 og framsyningar haust 2017.​​

             Produsent/Instruktør​ -

• Skrekkfilmkurs for Ung sommer på Askøy, 2022.
• Teaterkurs i vinterferien for barn mellom 9 og 13 år i Bjørnafjorden, 2022.
• Oppstartskurs for ungdomsrevyen i Sandnes, 2018
• ​Vikarlærar i drama på Kongshaug Musikkgymnas september 2018​
• Produsent og medhjelpar for formidlingsopplegget og DKS-produksjonen "Så lenge ingen ser oss" av forfattar Anders Totland. ​
• Skrivekurs på Dalsøyra skule i september 2016, i lag med forfattar Erna Osland, samt ​Liv Kristin Bjørlykke Øvereng og Marit Wadsten frå Nynorsksenteret.
• Kultur-Kommune-Kreativ. Samarbeid om seminaropplegg med Proscen i Bergen. På Os i september 2016, Voss 2. mars og Sunde september 2017. Ordstyrar under debatten: "Er det kunstfagleg, publikumsmessig og økonomisk grunnlag for etablering og utvikling av kulturfeltet i distriktet?"​

---

---