Teaterfrø samarbeider med ulike fagpersonar om å utvikle formidlingsopplegg og framsyningar. ​​

Våren 2022: regi på Spelet om Olavsgildet på Tysnes:

---

​
​DKS-produksjon

Ny eventyrproduksjon var klar for premiere i januar 2022.
Turné på skulane i Bjørnafjorden januar, bibliotek i Bergen, februar og mars.

Det blei utvikla ein ny produksjon for DKS, vinteren 2020-21.
Årets eventyr besøkte 1. trinn i alle skulane i Bjørnafjorden Kommune og nokre barnehagar på Askøy i februar / mars 2021. Samarbeid med skodespelar Veronika F. Røssland. Hausten 2021 presenterte me framsyninga på Bokbåten Epos, DKS Askøy, Kulturfest Olsvik og på Sletten Biblab.



Les og le er eit litteratur-formidlingsprogram ut frå Erna Osland si fagbok om latter;
​«He-he!- ei bok om den livsviktige latteren» Opplegget inneheld ei klovneframsyning i klasserommet med påfølgjande samtale om tema og skrivekurs i sakprosa for 5-7. trinn. Ingeborg Stige og Frøydis Flotve utvikla framsyninga under eit Seanse-opphald i Volda i juni 2016. Premiere under Dei Nynorske Festspela i Ivar Aasen-tunet 24. juni. Hovudmålgruppa for framsyninga er frå 3 år, men den passar for alle.
​Også vist på biblioteket i Bergen hausten 2016,  på biblioteket i Ytre-arna og Landås  og på Hovedbiblioteket i Bergen, haust 2017.
​Erna Osland laga skrivekurs med gjennomgang av mønstertekst og utarbeiding av modelleringstekst som var inkludert i opplegget. 
Nynorsksenteret ved Høgskulen i Volda arbeidde med planar for å legge inn ei utviding av skrivekurset i Språkløyper

​Les og le fekk støtte frå Litteraturbruket og Hordaland Fylkeskommune. www.forfattersentrum.no


​

---

​​​
Manusutvikling

I samarbeid med Veronika F. Røssland vart det utvikla tre nye manus til Os barne- og ungdomsteater i løpet av hausten 2021.  "Takk for at du er her", "Kva er du redd for?" og "Nissekaos"

Hausten 2017 skreiv Teaterfrø manus til framsyninga Trollala og julen som forsvant, i samarbeid med Stig van Eijk og Beate Helen Thunes. Frøydis Flotve hadde også regi på framsyninga med premiere i Fana Kulturhus 15. desember 2017.
På Ole Bull Scene 2. og 9. desember 2018. 
I 2019 på oseana 30.11, Fana Kulturhus 1.12. og på Fyllingsdalen teater 4.-5.-6.-desember.

I tillegg til framsyninga blir det søkt om midlar til eit større klimaprosjekt med Trollala i spissen.

LYKKEDAG MED LinFrø 2018
Ein musikalsk kabaret om oss og alle andre.
Linda Nytræ og Frøydis Flotve jaktar på meiningar som ikkje er opptatt. Viss du skulle leve i ein time – kva ville du gjere for å sørge for at livet blei perfekt?
Ta deg ein personleg lykkedag med LinFrø!
«I de senere årene har linfrø blitt svært populært. Dette er fordi de har vist seg å ha betydelige helsemessige fordeler!»                 
Medverkande: Linda Nytræ og Frøydis Flotve
+ Musikar, Inge Johannes Bergheim.
Premieren var i Oseana 27. oktober 2018.
​

​Hausten 2017 starta arbeidet med dramatisering av barneboka Svikta! (Mangschou forlag 2017) av Bente Bratlund, saman med gruppe 1 på Os barne- og ungdomsteater.
Urprmiere 23. april 2018. 
 
Saman med Os barne- og ungsdomsteater, vart det også utvikla eit nytt manus for barn, som handlar om latter 2016-17. Inspirasjonen kom  frå Erna Osland si fagbok om latter:
​«He-he!- ei bok om den livsviktige latteren»  

Vil du lage eit nytt teatermanus?
Spør gjerne Teaterfrø om tips.

Jubileumsframsyning og CD

Samarbeid med Bente Bratlund om å utvikle, produsere og regissere jubileumsframsyning i samband med hennar 40-årsjubileum som forfattar i Oseana 20. oktober 2017.
Flotte tilbakemeldingar frå publikum og pressa i etterkant!

​Skodespelarar/formidlarar: Bente Bratlund, Yvonne Algrøy, Anne Wiig og Natasja Smørholm 
Musikarar: Tarjei Vatne, Leslie Egerer, Ole Amund Gjersvik, Marius Mathisen.

Dansarar: Trym Jensen, Anne Lill Lyssand, Merete Orrebakken, Regine Drange Eriksen.
Komponist: Tarjei Vatne
Koreograf: Ann Terese Aasen.
Lys: Jan Holden​
​ 
​



Her er "Hender" på
Youtube
​
​For bestilling av CD; Send E-post til teaterfrø 
Pris: 50.- (+porto)
 
CD-slepp og diktopplesing på Litteraturhuset i Bergen (Alver) februar 2018.

​Samarbeid med forfattarar og ulike prosjekt i lag med bibliotek, eller andre som arbeider med litteraturformidling, er noko Teaterfrø gjerne vil gjere meir av. Det ligg informasjon om meg på Forfattersentrum sine nettsider.
Ta kontakt! 

---